Psa 3 | THOT | STEP | מִזְמ֥וֹר לְ דָוִ֑ד בְּ֝ בָרְח֗ וֹ מִ פְּנֵ֤י ׀ אַבְשָׁל֬וֹם בְּנֽ וֹ ׃

Psalms 3

1 מִזְמוֹר לְדָוִד בְּבָרְחוֹ מִפְּנֵי׀ אַבְשָׁלוֹם בְּנֽוֹ׃ 2 ^{▼▼English Ref=3.1} יְהוָה מָֽה־רַבּוּ צָרָי רַבִּים קָמִים עָלָֽי׃ 3 ^{▼▼English Ref=3.2} רַבִּים אֹמְרִים לְנַפְשִׁי אֵין יְֽשׁוּעָתָה לּוֹ בֵֽאלֹהִים סֶֽלָה׃ 4 ^{▼▼English Ref=3.3} וְאַתָּה יְהוָה מָגֵן בַּעֲדִי כְּבוֹדִי וּמֵרִים רֹאשִֽׁי׃ 5 ^{▼▼English Ref=3.4} קוֹלִי אֶל־יְהוָה אֶקְרָא וַיַּֽעֲנֵנִי מֵהַר קָדְשׁוֹ סֶֽלָה׃ 6 ^{▼▼English Ref=3.5} אֲנִי שָׁכַבְתִּי וָֽאִישָׁנָה הֱקִיצוֹתִי כִּי יְהוָה יִסְמְכֵֽנִי׃ 7 ^{▼▼English Ref=3.6} לֹֽא־אִירָא מֵרִבְבוֹת עָם אֲשֶׁר סָבִיב שָׁתוּ עָלָֽי׃ 8 ^{▼▼English Ref=3.7} קוּמָה יְהוָה׀ הוֹשִׁיעֵנִי אֱלֹהַי כִּֽי־הִכִּיתָ אֶת־כָּל־אֹיְבַי לֶחִי שִׁנֵּי רְשָׁעִים שִׁבַּֽרְתָּ׃ 9 ^{▼▼English Ref=3.8} לַיהוָה הַיְשׁוּעָה עַֽל־עַמְּךָ בִרְכָתֶךָ סֶּֽלָה׃